"இதயத்தைப் பாதுகாக்க யோசனைகள்"

அப்பலோ மருத்துவமனை "Billion Hearts Beating" என்றொரு நல்ல பணியை துவக்கியுள்ளனர்.

குறிப்பாக, இந்தப் பக்கத்தில் "இதயத்தைப் பாதுகாக்க யோசனைகள்" என்ற தலைப்பில் இவர்கள் தந்துள்ள குறிப்புகள் பெரிதும் பயன் தரக்கூடியவை. கிட்டத்தட்ட 92 யோசனைகளை அவர்கள் தந்துள்ளனர். அவற்றில் முக்கியமான சிலவற்றை இங்கே காணலாம்.

***********

1. எப்போதும் மிதமான அளவே உண்ணுங்கள். சற்று பசி இருக்கும்போதே உண்ணுவதை நிறுத்தி விட்டால் நலம்.

2. உண்ணாமல் டயட்டில் இருப்பது உங்களை எரிச்சல்படுத்தவே செய்யும். டயட்டில் இருக்கும்போது சில நேரங்களில் போதிய சத்து உடலில் சேராமல் தீங்கு விளைவிக்கும்.

3. உடல் எடையைக் குறைப்பதென்பது சரியான உடற்பயிற்சி மூலம்தான் சாதிக்க முடியும்.

4. நீங்கள் விரும்பும் உணவு எதையும் முழுவதுமாகத் தவிர்க்க வேண்டாம். அவற்றை குறைவாக, அவ்வப்போது சாப்பிடுங்கள்.

5. மீனில் சில நல்ல அமிலங்கள் இருப்பதால், மீன் சாப்பிடுவது நம் இதயத்துக்கு நல்லது.

6. சுத்தமாக உள்ள காய்மற்றும் பழங்கள் தினம் சாப்பிடுங்கள். ஃப்ரிட்ஜில் வைக்கப்படும் காய் - பழங்கள் 50 முதல் 60 % வரை சத்துக்களை இழக்கின்றன.

7. பதப்படுத்தப்படாத காய்கறி, பழங்களைத் தினமும் சாப்பிடுவது புற்று நோய் மற்றும் இருதய நோயிலிருந்து நம்மைக் காப்பாற்றும்.

8. உபயோகபடுத்திய சமையல் எண்ணைகளை மீண்டும் உபயோகப்படுத்தாதீர்கள்.

9. புகை பிடிப்பதும், அதிக எடையுடன் இருப்பதும் இதயத்துக்கு அதிக தீங்கை விளைவிக்கும்.

10. தக்காளி, வெங்காயம், பூண்டு, எலுமிச்சை, கேரட் ஆகியவை கொலஸ்ட்ரால் குறைக்க உதவும்.

11. சாப்பிடும் நேரம் டென்சன் ஆகாமல் அமைதியாய் இருங்கள்.

12. மிக சிறிய, உபயோகம் இல்லாத விஷயங்களால்தான் பெரும்பாலும் (90%) நமக்கு மனச்சுமை (Stress) வருகிறது.

13. மனச்சுமை ஆண்களை விட பெண்களை அதிகம் பாதிக்கிறது.

14. எல்லா விஷயங்களும் மிகச் சரியாக (perfect) நடக்க வேண்டும் என எதிர்பார்க்காதீர்கள். நீங்கள் perfect ஆன மனிதர் இல்லை என்பதை உணருங்கள். இது உங்கள் ரத்த அழுத்தம் மற்றும் மனச்சுமை குறைய உதவும்.

15. சில வேலைகளை பிறரிடம் கொடுத்து செய்யச் சொல்லுங்கள் (Delegate).

16.கோபம், வருத்தம், மகிழ்ச்சி உள்ளிட்ட உணர்ச்சிகளை வெளிக்காட்டி விடுங்கள். அவற்றை அடக்குவதன் மூலம் ஹார்ட் அட்டாக் வர வாய்ப்புகள் அதிகமாகும் என்பதை உணருங்கள்.

17. அடிக்கடி ஊழியர்களை வேலையை விட்டு அனுப்புபவர்களுக்கு ஹார்ட் அட்டாக் வர வாய்ப்புகள் அதிகம். வேலையை விட்டு செல்பவர்களை விட, அவர்களை வேலையை விட்டு அனுப்பும் நபர் மனதளவில் அதிகம் பாதிக்கப்படுகிறார்!

18. குளிர் காலத்தில் ஹார்ட் அட்டாக் வர வாய்ப்புகள் அதிகம்.

19. உங்கள் படுக்கை அறையில் தொலைக்காட்சி, கணினி, வளர்ப்பு பிராணிகள் இவற்றை அனுமதிக்காதீர்கள்.

20. உடல் எடை கூடுவதற்கு தொலைக்காட்சி ஒரு முக்கிய காரணம் ஆகும்.

21. உங்கள் அலைபேசியை உங்கள் பார்ட்னர் ஆக்கி கொள்ளாதீர்கள்! அது மோசமான பழக்கம்; மேலும் மனச்சுமையை கூட்டும்.

22. மகிழ்ச்சியுடனும், பொறுமையுடனும் இருப்பவர்களை இதய நோய்கள் அதிகம் தொந்தரவு செய்வதில்லை.

23. சிரிப்பு (Laugh therapy) புற்று நோய், இதய நோய், மன சுமை போன்றவற்றிலிருந்து விடுபட உதவுகிறது என அறிவியல் ரீதியாக நிரூபிக்கப்பட்டுள்ளது.

24. தவறு செய்தால் அதனை ஒப்பு கொள்வது உங்கள் தன்னம்பிக்கையை அதிகப்படுத்த உதவும் .

25. உங்கள் பிரச்சினைகளை முடிந்தவரை பேசித் தீர்க்கப் பாருங்கள்.

26. நேர்மறை எண்ணங்களையே மனதில் முடிந்தவரை கொள்ளுங்கள். நல்லதே நடக்கும் என (Optimist ) நம்புங்கள்.

27. மகிழ்வாக வாழும் கணவன் - மனைவிக்கு ஹார்ட் அட்டாக் வர வாய்ப்புகள் குறைவு. தனியே வாழ்வோருக்கு வாய்ப்புகள் அதிகம்.

28. நம்பிக்கையும் நேர்மறை சிந்தனைகளுமே புற்று நோய் மற்றும் இதய நோய்களிலிருந்து மீள உதவும்

29. வருடத்திற்கு ஒரு முறை உடல் நலப் பரிசோதனை மிக மிக அவசியம்.

30. பழைய நட்புகளை விடாது தொடருங்கள். புது நட்புகளையும் உருவாக்கிக் கொள்ளுங்கள். நிறைய நண்பர்கள் இருந்தால் உங்கள் உடல் மற்றும் மனநலனும் நன்றாக இருக்கும்.

                                                      ************************